Ulster Scots will never cum on, an aye claucht tae the Airis

The Depairtment Cultur in Norlin Airlan is cam tae the view, at the oncum o the Ulster-Scots tongue wad lyk be best taen awa frae it. Wha nou coud “beir the gree for aa that”?!

Coud it be, but, at the mukkil problem here isna whaur the oncum o the tongue gaes on, but whit hit bes ettilt at?

Thar a notion, at the oncum o Ulster Scots wad aye be ettilt at the ae thing as the Airis. In Norlin Airlan, aabodie kens richtlie, hou this wad be! But thar nae pynt tae siclyk. Ulster Scots isna the lyk thing, an haesna the lyk things nott for its oncum (for a wheen reasons, as kythes on this steid an ithergaets).

An aye claucht tae the Airis, Ulster Scots will lyk juist win tae naewhaur. Thar ither, better ensaumpils athort Europe o whit Ulster Scots soud be ettilt at. Laich Saxon, Swiss German, ein Catalan an ithers shaws a road, at wad ansuer tae Ulster Scots (an Scots aagaets) – tongues, as bes the lyk o the staundart langage, as fowk forordinar taaks mair nor wryts, an as wis aince richtlie unner threit.

An thinkan mair on whitwey fowk coud mak uiss o the tongue (for ensaumpil in new music or leiteratur), mair fowk wad tak a interest – an no sae monie wad fash thairsels, anent wad it be a langage in its ain richt or no!

A langsom collogue anent “status” an whitwey Ulster Scots gets on agin the Airis is nae road foerairts. It is tym for a chynge in our wey o gaein. We maun wirk thenou for the guid o the tongue, an it leivan yet.

Hae yeirsels a braw Burns Nicht!


2 thoughts on “Ulster Scots will never cum on, an aye claucht tae the Airis

  1. Would ye no catch yersel on? I’m pancrocked trying to translate this! 😉

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: